الرئيسية
من طرف 
السلااام عليكم..
اليوم بخبركم عن ام شراع..بس قبل لا أبدا.. صلو على النبي محمد..
اليوم برمسكم عن ام شراع..
يطولي بعماركم ام شراع هاي..حرمه مشهورة في منطقة الفجيرة...ولها اسم ثاني.. مشهور وايد. .....((ام خطاف)).[img:05c4]http://www.algreeb.com/vb/images/smilies/36_1_7[1].gif[/img:05c4]......
اكيد بتتخبرون ليش سموها ام شراع..بقولكم سموها..لانها مثل شراع السفينه..ويوم تشوفها تنفرد..
ويقولكم ام خطاف حرمه شريرة وخسفه (قبيحه) ويقولون انها عن عمد تخفي ملامح ويهها..لانها وااايد خسفه..
وهيه دايما تلبس عباه..وتتدرع ابها..ويقولون انه عباتها سر قوتها..
ويوم تفتحها..يظهر ضو ((تخرج نار))،،
يعني يوم تفتحها تحرق اللي جدامها..
و اصلا محد شافها او سمع بها غير الناس اللي في راس الخيمه ،،،
ويقولون انها..ما تنوجد غير هناك..
يقولكم قبل..كانت ام شراع تطلع في راس الخيمه وتتعمد تندس في السكيك عسب تروع الخلق وتخوفـــــــــهم.
..و اذا شافت حد يمشي في السكه..تنقزله..و تفتح عباتها..عسب تحرقهم و يتشوهون..>>>يعني انا ما اعرف الصراحه..اذا هيه جيكرة شعنه تخسف بالناس..
وحكاية ام شراع انتشرت بين الناس.. لدرجه انه الناس خافوا يطلعون بروحهم وقامو يطلعون في جماعات.[img:05c4]http://www.algreeb.com/vb/images/smilies/36_1_7[1].gif[/img:05c4].بس تعرفون ياعيالي..الإنسان ساعات يبا يطلع روحه عسب يخلص أموره الشخصية..[img:05c4]http://www.algreeb.com/vb/images/smilies/36_1_7[1].gif[/img:05c4]
وتقولي امايه: حصوه.........انهم قبل كانو يطلعون رباعه..وسمعت ربيعاتها يرمسن عن مجموعه رياييل طلعو رباعه و فجأه شافو هالرياييل..نار و ضو من بعيد..
فكلهم هبو يشوفون شو مستوي..فيوم وصلو هاك المكان شافو انه الضو اختفت و لقو ريال محترق وطايح..
يعني ويهه محترق شوي..و ثيابه محترقه..يعني شبه عاري..
حاولو يثيبونه..بس للاسف الريال نطق بكلمه وحده ومات..شو تتوقعون الكلمه؟؟
قالهم..((ام شراع)) ...
و الناس بغو يعرفون ام شراع تستوي بنت منوه..بس للاسف من كثر ماكانت خسفه..ماقدرو يعرفون..
وانتــــــــــــــــــــهت القصـــــــــــــة
